- Titilayo foju bale-ejo nitori esun ole :: EsinIslam Yoruba Media Fun Iroyin, Atoka, Iwe-Irohin Yoruba Blogs, Audios Radio Ni Yoruba, Videos Aworan Ni Yoruba, Newspapers, Magazines, Itan Aroso Irohin Yoruba, Fatwas And Idajo Ni Ilana-Ofin Musulumi

Lati Owo Olowoake LatifTitilayo foju bale-ejo nitori esun oleObinrin onisowo eni odun mokandinlogoji kan, Titilayo Ilesanmi, ti n kawo ponyin rojo nile-ejo majisreeti to wa ni Surulere lori esun pipe ara e ni ohun ti ko je lati ya owo to to milionu kan ataabo naira nileefowopamo 'ACCION Microfinance Bank Ltd', pelu ileri lati da a pada fun won, sugbon to ko lati se bee.

Obinrin naa to n gbe lojule kokanlelogorin, laduugbo Akerele, ni Surulere, l'Ekoo ni won wo lo sile-ejo lori esun meta otooto, iyen ole jija, fifipa gba nnkan lowo eni ati fifi iwe sowedowo ti ko wulo kale fun ileefowopamo to yawo lowo e.

Agbenuso ijoba, Koburu Jimah Iseghede, ni isele ohun waye lojo ketadinlogun, osu kokanla, odun to koja, lojule ketadinlogorin, loju ona Ojuelegba, Surulere. Nise ni afurasi naa lo si ofiisi 'ACCION Microfinance Bank Ltd' lati ya milionu kan ataabo naira (N1.5m) pelu ipinnu lati sanwo naa pada fun won lojo kejidinlogun, osu kejila, odun to lo, sugbon to ko lati se bee.

Kaka bee, nise ni Titilayo mu sowe-dowo ti banki Diamond ti nomba idanimo e je 55399195 le won lowo lati gba egberun lona ogofa naira (N120,000), eyi to pada han pe ayederu ni.

Nitori eyi ni asoju ileese naa se pe ero ibanisoro obinrin yii, sugbon nomba ohun ko wole, eyi lo si mu banki naa gba ago olopaa lo.

Ninu iwadii awon olopaa lo ti di mimo pe adiresi ti ki i se ti olujejo yii lo fi sile ni banki to ti yawo, ati pe oruko eni to fi se oniduuro nibe je ayederu, bee ni pe Titilayo ti koko sa lo ko too di pe owo awon olopaa te e.

Gbogbo esun yii ni Iseghede so pe o lodi si abala igba ati marundinlaaadorun-un (285) iwe ofin iwa odaran tilu Eko todun 2011, eyi to n toka si fifi ewon odun meta jura.

Ninu oro re, Adajo Agba A.F. Adeeyo faaye beeli egberun lona eedegbeta naira (N500, 000)

sile fun obinrin naa pelu oniduuro meji niye owo kan naa. O ni iru oniduuro bee gbodo ni iwe-eri pe o san owo-ori odun meta labe isakoso ipinle Eko, o si gbodo nise gidi lowo, ko tun je olugbe ilu Eko, bee ni pe ki agbenuso ijoba sewadii adiresi ile onitohun. O waa sun igbejo sojo kejidinlogun, osu yii.