Lati Owo Akoroyin Olootu

Bi ki i baa se pe Olorun ti ni akoko iku omo odun meji kan ko ti i pe ni Itori, Ewekoro, nipinle Ogun, iyawo baba re, Christianah Faturoti ko ba ti ran an sorun airotele, sugbon Olorun ko o yo.

Eni odun mejidinlogbon ni Christianah, sadeede ni won lo mu omo iyaale e to je omo odun meji to si fi seloteepu le enu e po, o de owo e mejeeji lokun, o si tilekun mo on sinu yara.

Lojo ketadinlogun, osu keji, to koja yii nisele naa waye lojule kerinlelogoji, Agboole Ago Owu, Itori, nijoba ibile Ewekoro, nipinle Ogun.

Gege bi iwadii Iwe Iroyin Yoruba, a gbo pe Christianah toun naa n to omo odun kan lowo yii mo- on-mo le enu omo kekere ohun pa ko ma baa pariwo, leyin to si sise ibi naa tan lo gba ileepo to ti n sise lo.

Opelope awon araadugbo ti won n koja ni won sakiyesi pe omo kan wa ninu ile nibi to ti n ja pitipiti, loju-ese ni won si sare loo pe awon olopaa.

Agbo pe o gba won lopo iseju ki won too ri ilekun naa ja, ti won si ba omo naa nibi to ti n mi diedie ti ko lagbara mo. Awon olopaa lo sare gbe e lo sileewosan. Awon dokita tie so pe Olorun lo ni ki won tete gbe e wa nitori ka ni o lo wakati meji mi-in nibi to wa ni, ko ba ku fin-in-fin-in ni.

Bi awon olopaa se mu obinrin onise-ibi ohun ni won ti fi i ranse si olu-ileese won, nibi ti won ti n sewadii lori idi to fi fee gbemi omo oko e. Nigba to n jewo fawon oniroyin lose to koja, Christianah ni loooto loun huwa ohun. O ni idi toun fi se bee ni pe oko oun n toju omo naa ju oun atomo oun lo, gbogbo igba loun si maa n soro, sugbon ko satunse.

Iwadii fi ye wa pe arun opolo lo n da iya omo ti Christanah fee pa naa laamu to si wa nibi ti won ti n toju e, idi niyi ti oko e fi ni ki iyawo yii maa toju e.

Nigba to n soro lati fidi isele naa mule, Ogbeni Muyiwa Adejobi to je agbenuso olopaa nipinle Ogun so pe isele naa ya ni lenu, ati pe ki i se nnkan tawon le bo mole rara. O ni laipe ni obinrin naa yoo foju bale-ejo lori esun ohun.

O waa gba awon obi nimoran lati mo eni ti won yoo maa fomo si lodo nitori iwa eranko lo wa lara awon eeyan mi-in.