- Eyi Ni Bi Imaamu Ile Ibadan Se Ku Gan-an: Ki Olohun Gba A Si Ogba Idera Alujana :: EsinIslam Yoruba Media Fun Iroyin, Atoka, Iwe-Irohin Yoruba Blogs, Audios Radio Ni Yoruba, Videos Aworan Ni Yoruba, Newspapers, Magazines, Itan Aroso Irohin Yoruba, Fatwas And Idajo Ni Ilana-Ofin Musulumi

Lati Owo Olawale Ajao, Ibadan

Eyi Ni Bi Imaamu Ile Ibadan Se Ku Gan-an: Ki Olohun Gba A Si Ogba Idera Alujana

Titi dasiko yii ni gbogbo musulumi ile Yoruba atawon musulumi Yoruba kaakiri orile- ede yii si n sedaro imaamu agba ile Ibadan, Sheik Suara Haruna, eni to je Oloun nipe leni odun metalelaadorun-un.

Laaaro kutu ojo Ojobo, (Tosde), to koja ni Sheik Suara, to tun je aare igbimo awon aafaa ati lemoomu ile Yoruba titi de ipinle Edo ati Delta, dagbere faye leyin aisan ti awon eeyan gba pe o ni i se pelu ogbo;.

Igbakeji aare igbimo awon lemoomu ati aafaa jakejado ile Yoruba, Sheik Bello Kewulere to tun je imaamu agba Ado-Ekiti lo saaju oke aimoye awon musulumi to kirun si oku baba naa lara ni deede aago marun-un ku iseju meeedogbon, nirole ojo Eti, (Fraide), to koja.

Ise nla lawon aafaa to gbe oku Sheik Haruna jade kuro ninu mosalasi nla ti won ti kirun si i lara se ki won too ribi gbe e sinu moto nita, idi ni pe opo eeyan lo n fee fi owo kan oku lemoomu naa, eyi si mu ki gbogbo aaye naa ha gadigadi ti awon eeyan naa si n ti ara won lati le fi agbara kaka sunmo oku naa ki won si gbe e jade.

Ni kete ti won kirun si i lara tan ninu mosalasi nla Oja'ba, n'Ibadan, ni won gbe e lo sile e to wa laduugbo Agbeni, ti won si sin in ni nnkan bii aago mefa irole ojo naa.

Gomina ipinle Oyo, Seneto Isiaq Abiola Ajimobi, sapejuwe Sheik Haruna gege bii eni Olorun, eyi to mu ki opo eeyan feran re, to si mu iku e ka eni gbogbo lara.

Bakan naa ni oludari agba ile-eko Marikaasi, Agege, niluu Eko, Sheik Habeebulahi AdamEl-Ilory, sapejuwe baba naa gege bii asoju rere fun esin Islam, o si ro awon musulumi lati fi igbesi aye re se awokose.

Lara awon to fi edun okan won han lori iku Immam yii ni Ogbeni Abdulrahman Balogun ti i se alaga MMPN, iyen egbe awon osise oniroyin lorile-ede yii; Alhaji Ishaq Sanni ti i se alaga igbimo awon musulumi nipinle Oyo, Alhaja Sururah Oyero ti i se alukoro egbe awon obinrin musulumi orile-ede yii ti won n pe ni FOMWAN.

Iwe Iroyin Yoruba gbo pe nnkan bii odun mokanlelogbon ni Sheik Suara Haruna fi wa imo lodo awon aafaa, to si n sa kubekube tele won kiri ko too di pe oun naa di aafaa nla ti won si fi i je olori awon lemoomu jakejado ile Ibadan lodun 1995. Oun ni eni keta ti yoo di ipo ohun mu leyin ifigagbaga pelu awon aafaa nla nla.