Lati Owo Olootu Irohin Yoruba

Fun bo se fi tulaasi ba iya kan to n je Alaaja Serifat Isola, lasepo, to si tun ja a lole owo, ero ibanisoro atawon dukia mi-in, oga agba olopaa ipinle Oyo, CP Leye Oyebade, ti pe okunrin eni odun mejidinlogoji kan, Segun Muyiwa lejo si kootu.

Ni nnkan bii aago mejila osan Ojoru, Wesde, ojo ketalelogun, osu kesan-an, odun yii, ni Segun ka Alaaja Serifat eni ti a fi ojulowo oruko e bo lasiiri mo oju-olomo-ko-to-o laduugbo ti won n pe ni Eyin Girama, ni agbegbe Iwo Road, n'Ibadan, to si ja a lole awon dukia re, eyi ti apapo re to egberun mejidinlogorun-un naira (N98,000).

Leyin naa ni Segun wo iya yii bo sinu igbo legbee kan nibe, to si tun fipa ba a lasepo karakara ko too di pe owo olopaa te e leyin ti obinrin naa ti kegbajare isele ohun loo ba won.

Hammed Salewa, iyen olopaa to gbe Segun lo si kootu lojo Aje, Monde, ose to koja, salaye niwaju adajo pe ero ibanisoro kan ti won n pe ni Huawal meji ti owo won to egberun marundinlogota naira (N55,000) ni okunrin naa fipa gba lowo Alaaja ohun pelu foonu BlackBerry ti owo e to egberun meeedogbon naira (N25,000) titi dori awo� to fi soju, eyi ti owo e to egberun mejidinlogun naira. Apapo owo awon dukia to gba lowo obinrin naa je egberun mejidinlogorun-un naira (N98,000).

Esun keji ti won ka si afurasi odaran yii lese da lori ifipa-ba-ni-lo-po, eyi ti won so pe o lodi sofin ipinle Oyo todun 2000, eyi to so iwa odaran di eewo fawon araalu, to si la ijiya lo fenikeni to ba te ofin naa loju.

Bi won se ka awon esun ohun si Segun leti lokookan lo dahun pe oun ko jebi eyikeyii ninu won, ati pe oun ni awon awijare kan lati salaye fun ile-ejo lori awon esun ohun.

Sa, Onidaajo A.F. Richard, iyen adajo yara igbejo keji nile-ejo majisreeti Iyaganku, n'Ibadan, nibi ti igbejo naa ti waye sun igbejo ohun siwaju nigba ti kootu yoo maa teti gbo awon awijare ti okunrin afurasi odaran naa so pe oun ni lati se.