- Lati Ekiti Ni Wasiu Atawon Ore Re Ti Waa Fi Owo Ayederu Raja n'Ilorin :: EsinIslam Yoruba Media Fun Iroyin, Atoka, Iwe-Irohin Yoruba Blogs, Audios Radio Ni Yoruba, Videos Aworan Ni Yoruba, Newspapers, Magazines, Itan Aroso Irohin Yoruba, Fatwas And Idajo Ni Ilana-Ofin Musulumi

Lati Owo Akoroyin Olootu

Lati Ekiti Ni Wasiu Atawon Ore Re Ti Waa Fi Owo Ayederu Raja n'Ilorin

Afaimo kawon okunrin meta kan, Wasiu Alayande, to je eni odun mejidinlogbon, Fayose Ebenezer to je eni odun mokandinlogun ati Adeleke Adewale, eni odun mejilelogun ti won filu Ekiti sebugbe ma faso penpe roko oba niluu Ilorin pelu bi ileese olopaa ipinle Kwara se wo won lo sile-ejo lori esun igbimo-po lati sise ibi ati nina owo ayederu.

Nigba to n rojo tako won lojo Isegun, Tusde, ose to koja, Inspekito James Wodi to gbenuso fun ileese olopaa so pe arabinrin olutaja kan toruko re n je Funke lo mu esun to ileese olopaa wa pe soobu oun to wa ni Erin-Ile loun wa ti Ebenezer ati Wasiu ti won wa lati ipinle Ekiti fi waa ra miliiki ati ose iwe tiye owo re je igba naira. O ni obinrin naa se e lalaye pe egberun kan naira (N1000) lawon afurasi naa gbe le oun lowo, toun si fun won ni senji egberin naira (N800.00).

James tesiwaju pe kete tawon afurasi yii kuro ni soobu Funke lobinrin kan toun naa n taja nitosi soobu e waa ta a lolobo pe awon okunrin meji to sese kuro lodo re yii ti waa raja lodo oun, sugbon oun sese sakiyesi pe owo ayederu ni won na foun ni. Ayewo ti Funke se sowo ti Wasiu ati Ebenezer fun un lo je koun naa mo pe ayederu lowo ohun, leyii to mu un figbe bonu, ko si pe sasiko naa lowo te awon afurasi mejeeji yii, ti won si fa won le ileese olopaa lowo.

Ninu iwadii awon olopaa ni Wasiu ti jewo pe Ebenezer lo fun oun lawon owo ayederu yii pe kawon na an, ti Ebenezer naa si jewo pe okunrin kan to n je Adewale Adeleke to n gbe ni Ikoro-Ekiti lo se awon owo ayederu naa foun.

Sa, ileese olopaa to n topinpin iwa odaran nipinle Kwara fidi re mule pe awon afurasi yii gbadun fifi owo ayederu sowo pelu awon eeyan, esun yii si ni Inspekito James Wodi fi kan awon mejeeji ati eni to se owo naa fun won ni kootu.

Sugbon awon olujejo yii lawon ko jebi esun naa, bee lagbejoro won ro adajo lati siju aanu wo won nitori ti won je omode.

Adajo M.A Ndakene salaye pe esun ti won fi kan won lagbara pupo, bee ni ki i se eyi to see gba beeli si, nitori e lo se pa a lase pe ki won loo fi won pamo satimole ogba ewon Mandala to wa niluu Ilorin. O sun igbejo won sosu to n bo.