- O Sele! Iya Nimota Lo Oogun Ti Oyan E Fi Maa Tobi Si i, Loko Ba Da Eru E Sita: B :: EsinIslam Yoruba Media Fun Iroyin, Atoka, Iwe-Irohin Yoruba Blogs, Audios Radio Ni Yoruba, Videos Aworan Ni Yoruba, Newspapers, Magazines, Itan Aroso Irohin Yoruba, Fatwas And Idajo Ni Ilana-Ofin Musulumi

Lati Owo Idris Alooma, Ilorin

O Sele! Iya Nimota Lo Oogun Ti Oyan E Fi Maa Tobi Si i, Loko Ba Da Eru E Sita: Bako Ku Sori Obinrin Ninu Oteeli l’Ondo

Afi bii adie tojo pa niyawo ile kan se n ka; siosio laipe yii niluu Ofa, nigba ti oko e, Ogbeni Muili Adelowo, da eru e sita, o ni o lo oogun ki omu re tobi ju bo se wa tele lo.

Okunrin naa ni o ti n sise asewo nitori oun tun ka kondoomu monu baagi e.

Nise ni Adelowo le iyawo ile e to ti bimo meji fun un sita, esun to si fi kan an ni pe o lo oogun to n mu omu obinrin wu nilopo meta ju bo se wa tele lo.

O salaye pe oun tie so fun iyawo oun pe kawon lo si osibitu tabi odo awon onisegun ibile lati mo boya aisan kan ti won n pe ni somu-roro to maa n da awon obinrin laamu lo n se e, tabi kokoro kan, eyi to nilo itoju.

O so pe o ya oun lenu nigba toun bere si i wadii, ti ore e kan si so foun pe oogun ki omu le yo sita niyawo oun Baale ile yii ni obinrin naa, tawon eeyan mo si iya Nimota ti bimo meji foun, sugbon iwa e kan deede yipada, to si je pe oun ko jerii e mo rara. O ni ore e yii lo so foun pe laarin awon merin tawon jo n rin, awon meji lo lo oogun ki omu won le yo jade daadaa.

Sugbon nigba ti a beere oro lowo iyawo e, o so pe nigba toun ba oko oun jise-jiya tan, taye e waa fee maa daa lo fee le oun jade. Ohun to fi pari oro e ni pe Olorun yoo da a fun un.

Bako Ku Sori Obinrin Ninu Oteeli l’Ondo -- Lati Owo Solomon Adewoye, Akure

Inu ibanuje nla lawon molebi arakunrin kan ti won pe oruko e ni Bako, to n sise lagbegbe O·ka, niluu Ondo gege bi agegedu wa bayii pelu bi okunrin naa se ba iku ojiji pade lose to koja lakooko to n ba omodebinrin kan lajosepo lowo ninu ile-itura kan niluu naa.

O·gbeni Bako, gege bi awon eeyan ti mo oruko e si ko ti i ju omo ogoji odun lo. Nise lokunrin naa fee se faaji aye ara re pelu arewa omodebinrin kan ti ko seni to mo oruko re, ile-itura kan to wa lagbegbe Surulere, niluu Ondo lo gbe omodebinrin naa lo fun igbadun sugbon iku loro naa ja si fun un.

Gege bi iwadii se so, okunrin naa ni iyawo nile, a gbo pe lojo keji ti awon osise ile itura naa ko ri i ki okunrin naa jade sita ni won lo si yara re, sugbon oku re ni won ba. Ko seni to mo akoko ti omobinrin naa sa kuro ninu ogba ile-itura naa, bee ni won ko si mo odomodebinrin naa ri rara.

Isele yii lo mu ki awon molebi arakunrin naa yo lo si ile-itura ohun, ti won si fee jo o, opelope awon olopaa agbegbe Yaba to tete de sibi isele naa. Awon lo pada gbe oku Bako lo si mosuari to wa niluu Ondo fun iwadii to peye, bee lo je pe ko seni to mo iru iku to pa okunrin naa.

Awon kan so pe o se e se ko je pe magun lo lu lara obinrin to ba sun naa, bee lawon mi-in so pe ki i se akoko niyi ti iru nnkan bee yoo sele nile itura naa, won ni o ti to igba meta tisele bee ti waye nibe lodun yii.

O·ga olopaa Yaba niluu Ondo, O·gbeni Mike Okoh, so pe loooto ni isele naa sele, ati pe iwadi ti bere ni pereu lori re.