Lati Owo Bisi Adesoye, Ilesa

Eyin ni Arabinrin Titilola Oladejo to n gbe lagbegbe Idifi, n’Ilesa, fi ge nnkan omokunrin oko re je, bee lo tun da omi-gbigbona lu u lakooko tawon mejeeji n ja l’Ojoru, Wesde, ose to koja. Nigba ti iyaale ile naa ri i pe iwa toun hu yii ko daa lo fese fe e. Esun ti Ogbeni Oladejo fi kan iyawo re ni pe nise lawon oloselu to wa n’Ilesa maa n gun un bii esin. Eni ti oro naa soju e, Ogbeni Fakayode, lo fi isele naa to Iwe Iroyin Yoruba leti l’Ojoru, Wesde, ose to koja.

Ninu iwadii t’Iwe Iroyin Yoruba se ni Ogbeni Fakayode ti ni Arabinrin Titilola je osise ijoba ibile kan ni ekun Ilesa, o si bimo kan toruko re n je Temilola, iyen leyin odun marun-un toun ati oko re se igbeyawo won.

Ogbeni Fakayode ni orisiirisii esun loun ti gba lori iwa agbere tiyawo Oladejo gun le lodo awon omo egbe oloselu naa. O te siwaju pe opo igba ni oko re maa n fi ejo re sun oun, toun si maa pe e lati ba a so eyi to n je ooto oro, kaka ko gbo, nise lo ko eti-ikun si gbogbo ibawi oun.

Nigba ti Iwe Iroyin Yoruba n ba Ogbeni Oladejo soro nileewosan kan nibi to ti n gba itoju lori nnkan omokunrin re ati bi omi-gbigbona se bo o ni gbogbo ara lo salaye fun akoroyin wa pe oun ko ti i le soro kankan lakooko naa, afi toun ba gbadun ti nnkan omokunrin oun ba si pada sipo to wa tele. Sugbon o fi ibi ti Titilola ti da omi-gbigbona lu u ati ibi ti dokita ti ran nnkan omokunrin re pelu bandeji funfun ti won we mo on han akoroyin wa. Titi di asiko ti a n ko iroyin yii jo, ko seni to mobi ti Arabinrin Titilola wa, bee ni ko si nibi ise re, eyi to je kawon eeyan so pe o see se ko padanu ise re nijoba ibile to ti n sise.