Lati Owo Olawale Ajao, Ibadan

Ki La Tun N Duro De

Se e ranti obinrin ti won n pe ni Oby Ezekwesile, obinrin kan bayii to se minisita laye Obasanjo, to tun loo sise ni banki agbaye gege bii oga agba. Oro kan wa to n ja ran-in ran-in bayii, obinrin naa lo si da a sile, koda oro ohun ti fee dija laarin oun ati awon asofin.

Ohun ti obinrin yii n tenumo ni pe oriburuku to ba Naijiria bayii, ti nnkan wa ko to wa i je, ti iya n je mekunnu, awon asofin lo n fa a, nitori owo buruku ti awon nikan n gba, owo ti ko see fenuso ni, bee ni won na inakunaa, nitori laarin odun merin pere ni won fi na owo to le ni tirilionu kan, owo nla gbaa leleyii, owo to ju bilionu lo ni.

Obinrin naa ni bi nnkan ba n lo bayii, Naijiria ko ni i gberi laelae, nitori ko si orile-ede kan ti awon asofin won ti n fee je araalu pa bii ti Naijiria yii, bee lawon asofin naa ko lojuti.