Lati Owo Olawale Ajao, Ibadan

Owo Olopaa Te Dimeji To N Ji Okada

Nnkan ko senuure fun omokunrin eni odun mokandinlogbon kan, Oladimeji, towo awon olopaa te lori esun idigunjale, oro to si n ti enu e jade n se awon eeyan ni kayeefi.

Dimeji ni nitori enikan ti ja oun lole ri loun naa se gbodo di adigunjale ki oun le gbesan oro ti won da oun, sugbon o gbagbe asayan oro awon agba pe oro to o da mi ni mo da o ni ki i je ki oro tan nile. O ni iru iwaasu bee ko si ninu iwe owe toun, owe kan soso toun mo ni pe bi adie da oun loogun nu, oun yoo fo o leyin, bi adie ohun ko ba ye eyin, oun yoo fo ti adie mi-in di i lai mo pe atimole olopaa ni ero buruku bee yoo gbe e de.Ise okada ni Oladimeji n se nigba kan ri, sugbon lojo kan lole da a lona to si ji okada naa gbe mo on lowo.

Lati ojo naa ni jagunlabi ti pinnu pe oun ko ni i sise mi-in mo laye oun, afi ise ole, ko si si nnkan mi-in ti oun yoo maa fipa gba lowo awon eeyan ju okada.Yoruba bo, won ni eni ti yoo ba sowo ale, dandan ni ko ra eni atin-in. Ko pe ti okunrin to pera e lomo bibi ilu Ogbomoso yii bere ole jija lo wa ibon ilewo kan, n lo ba kuku sora e di adigunjale loju paali nitori bi ibon se te e lowo lo tun mu awon ole peepeepe mi-in mo on, bii ko deede ja wo ibi ti awon omo ileewe LAUTECH l'Ogbomoso ba po si, ko si fibon gba ero ibanisoro won pata.