Topic: Ajike Ki Oko E Mole, Lo Ba Lu Bii Eni Maa Ku: E Gbo N Je O Seese Bi? Abileko Sope Iya-oko Oun Atomo E N Bara Won Sun
Timeline: 2012-07-04 05:24:01
Lati Owo Idris Alooma, Ilorin
Ajike Ki Oko E Mole, Lo Ba Lu Bii Eni Maa Ku: E Gbo N Je O Seese Bi? Abileko Sope Iya-oko Oun Atomo E N Bara Won Sun
AFI bii igba teeyan n wo fiimu agbelewo ni nigba ti okunrin kan, Ogbeni Ajayi Olakunle, to n gbe opopo Asa-Dam, n’Ilorin sadeede sa kuro nile fun iyawo e, Ajike Olakunle nitori pe o n lu u bii aso ofi. Eyi lo mu kawon eeyan maa so pe itiju lo mu un sa lo.
Iwe Iroyin Yoruba gbo pe nise lobinrin naa maa n lu oko e biibaara, bee ni ki i dana ounje fun un. Gege bi iwadii wa, ninu osu karun-un, odun to koja lawon mejeeji segbeyawo, sugbon nise lobinrin naa so pe omuti paraku loko oun, o loro e ti su oun, nitori naa, oun ko fe e mo.
Gege bi a se gbo lenu Arabinrin Ajike Olakunle, o ni eeyan yepere loko oun, dipo ko maa se itoju oun, nise lo maa n fowo muti kiri, ti yoosi maa nawo fawon ale atore e. Iyaale ile yii ni gbogbo igba to ba ti muti yo lawon eeyan maan yo owo lapo e.
A gbo pe lojo buruku yii, okunrin naa pe iyawo e, iyen leyin igba to de lati ibi to ti loo muti e pe ko ko jade nile foun, o ni awon ko le gbepo mo, bi iyawo e ti gboro to tenu e jade yii lo ba so fun un pe ko ba oun mu owo to ji lati lo muti.
Sugbon nise l’okunrin naa n se bii eni pe oun ko gbo ohun to n so rara. Eyi lo mu ki Ajike so pe dandan ni ko ba oun mu owo oun, o ni bi bee ko, wahala yoo sele laarin awon. Nigba tokunrin naa ko da a lohun lo ba fa a laso, ibinu eyi ni oko e fi fo o leti leemeji lera. Niyawo naa ba lo aso mo on lorun, o si ti i lule, lo ba bere si i ko iya fun un.
Ariwo tokunrin omuti yii pa lo mu kawon araadugbo pe le won lori. Ohun itiju to sele si baale ile yii ati bi iyawo e se maa n na an tele lomu un sa kuro nile fun un. Bee la gbo pe seeti meji ati sokoto meji lo mu dani nigba to n lo.
Nigba ti oniroyin wa beere nipa isele ohun lowo obinrin naa, o ni loooto loko oun sa kuro nile, sugbon ki i se nitori ija aarin oun ati e lo se sa jade. O ni ale e lo sa loo ba.
Ni bayii, awon agbaagba to n gbe agbegbe awon toko-tiyawo yii ti n gbe igbese lati pari ija naa, sugbon won ni baale ile naa ko, o loun ko nifee Ajike mo, o loun ko fe ko fi ogun ekute sounje foun.
E Gbo N Je O Seese Bi? Abileko Sope Iya-oko Oun atomo e n bara won sun
ARIWO e gba mi o, iya oko mi ti n gba ise mi se niyawo ile kan, Arabinrin Solifo n pa laipe yii n’Ilorin, o loun ti setan lati ko oko oun sile nitorioun n fura pe oun atiya e n bara won lasepo.
Iyawo ile naa so pe nibi toro iya oko oun buru de, oun lo n dana ounje foko to si n fo aso e to fi dori pata ataso awotele e . O ni o buru debii pe ti iya oko oun ko ba so pe ko fowo obe sile, ko ni i se be e< o si see se ki iya naa fun oun loogun je nitori ko nifee oun rara.
Solifo ni oloogun buruku ni iya oko oun, oun naa lole iyawo akoko ti omo e fe jade nile tiyen ko si ranti keru e yooku. O ni opo igba niya oun maa n so pe iyawo ti ko ba fi toun se, yoo ko jade nile omo oun losan gangan ni, nigbatoun ba fina mo on.
Nigba ti a beere oro lowo iya oko, eni tawon eeyanmo si Iya Ibadan, o so pe ara omo oun ni ko ya tiyawo e ko si dana fun un nitori ija ti won n ja. O ni iwa yii ti mo obinrin naa lara. Iya agba yii ni loooto loun ba a fo pata ati awotele, nigba tiyawo e ko bikita fun un.
O ni oloorun ati alagidi ni Solifo, idi niyi tomo oun fi fee ko o sile niyen, bo tile je pe oun ni ko ro tomo to bi fun un.
O·gbeni Aderemi loun ko loro kankan lati so, o ni akeregbe ni yoo juwe ibi tawon yoo ti okun bo lara e. O ni o di ile keta toun yoo gbe bayii nitori ija ojoojumo pelu araadugbo to wo iyawo oun lewu. Alaye re ni pe aipe yii lawon tun ko de agbegbe Stadium Road, tawon n gbe yii nitori oun ko fe wahala rara. O ni ko fee ri iya oun soju, eyi ti ko si see se.
**{Legacy activities, comments etc counter: 607; topic series: 8; forum: MediaYoruba; associated: 8- /*}